Մարզական պարապմունք
“Sport+English”
Պարապմունքի տևողությունը՝ 45 րոպե: Անհրաժեշտ պարագաներ՝ ներքնակներ, մասնակիցների քանակով գնդակներ:
Դասի խնդիրը
Զարգացնել գնդակը նետելու, բռնելու և վարելու կարողություն, արագաշարժություն, ուշադրություն։ Ամրապնդում է մի շարք կազմելու ունակությունը։
Դասի նպատակը
Կարողանալ գնդակը վարել, փոխանցել։ Դաստիարակել փոխօգնություն և ընկերասիրություն։Հարստացնել անգլերենից ունեցած բառապաշարը։
Պարապմունքի նկարագրություն
Պարապմունքը բաղկացած է երեք մասից
Առաջին մաս՝ ուրախ նախավարժանք, որը տաքացնում է մկաններն ու հոդերը
Երկրորդ մաս՝ Բուն պարապմունք
- Կանգնել շրջանաձև, ձեռքերով ձգվել վերև՝ կանգնելով ոտքի մատներին, ձեռքերն իջեցնել ներքև՝ կպնելով հատակին, ծնկները պահել ձիգ։ Վարժությունը կատարել դանդաղ՝ վերևում և ներքևում 3 վայրկյան ֆիքսվելով տեղում։ Վարժությունը կրկնել 10 անգամ։
- Ձեռքերը տարածել կողք և պտտել ուսագոտին առաջ և հետ՝ յուրաքանչյուր կողմը 10 անգամ։
- Թափահարում ենք ձախ ձեռքը և այն սեղմում աջ ուսին՝ մյուս ձեռքով օգնելով և սեղմելով տակից։ Կրկնել վարժությունը հաջորդ ձեռքից։
- Մատները միմյանց մեջ միացրած ձգվել առաջ, վերև, հետև, ձեռքերը տարածել կողք, ավարտել։
- Ձախ ձեռքով հետևի կողմից բռնել ձախ ոտնաթաթը, բարձրացնել հնարավորինս վերև։ Աջ ձեռքը, որպես հավասարակշռություն, տարածել կողք։ Պահել 5-10 վայրկյան։ Կրկնել նույնը աջ կողմից։
Ակրոբատիկա
Առաջ գլուխկոնծի անելու տեխնիկայի ուսուցում
Ուսի վրայից առաջ գլուխկոնծի անելու տեխնիկայի ուսուցում
Երրորդ մաս՝
- Խաղ գնդակով՝ «Որ շարքն ավելի արագ»
Խաղացողների դասավորությունը, խաղի բովանդակությունը
Խաղացողները բաժանվում են երկու հավասար խմբի և կանգնում միմյանցից 2 մետր հեռավորությամբ, միաշարք։ Շարքերի առջևում գծվում է սահմանագիծը, դրանից 2 մետր հեռավորությամբ գծվում է երկրորդ սահմանագիծը։ Յուրաքանչյուր շարքի դիմաց կանգնում է մի խաղացող՝ խաղավարը։ Ուսուցչի ազդանշանով խաղավարը գնդակը գցում է շարքում կանգնած առաջին խաղացողին, որը բռնում և նորից հետ է գցում խաղավարին, իսկ ինքը վազում և կանգնում է շարքի վերջում։ Հետո երկրորդ, երրորդ խաղացողին, որն առաջ է եկել։ Եվ այսպես մինչև վերջին խաղացողը ետ է գցում գնդակըխաղավարին և բարձրացնում ձեռքը վեր։ Հաղթում է այն խումբը, որն առաջինն է վերջացնում, թույլ չի տվել ոչ մի սխալ և գեղեցիկ շարվել է։
Կանոններ
Գնդակը ձեռքից գցելու դեպքում տվյալ խումբը ստանում է տուգանային միավոր։
Գնդակը գցելիս դուր չգալ սահմանագծից։
Գնդակը ետ վերադարձնել և վազել կանգնել շարքի վերջում։
Մեթոդական ցուցումներ
Խաղն ավարտելիս, պետք է փոխել խաղավարիներին։
Պետք է հետևել, որ խաղացողները միշտ շարժվեն առաջ, բայց չանցնեն սահմանագիծը։
Գնդակը բռնեն դաստակներով։
Հետևել խաղի կանոններին։
- Խաղ գնդակով
Նույն շարքերով և նույն կանոններով շարունակվում է խաղը։ Սակայն այս անգամ խաղացողները գնդակը վարում են մինչև պատը և վերադառնում։ Չկան խաղավարներ։ Խաղացողը գնդակը փոխանցում է հաջորդ խաղացողին։ Խաղը շարունակվում է այնքան ժամանակ, մինչև վերջին խաղացողն ավարտում է խաղը և բարձրացնում ձեռքը։
Vocabulary- բառապաշար
warm up neck-տաքացնել պարանոցը
warm up shoulders-տաքացնել ուսերը
hips, legs-կոնքրը, ոտքերը
wind mill-քամու ջրաղաց
to squat-կքանստել
running man-վազորդ
Catch the ball-Բռնել գնդակը
Throw the ball-նետել գնդակը
I am bouncing the ball. Ես վարում եմ գնդակը:
Roll forward-Գլուխկոնծի արա
Հունվարի 25
Mkhitar Sebastatsi Educational Complex 