Մանկավարժական աշնանային բաց ճամբար

Մանկավարժական աշնանային բաց ճամբար

Հայտի հղում

Ուսումնական աշուն 2019
Հոկտեմբերի 28-նոյեմբերի 1

 

Աշխատակարգ

09:00-09։30՝ ընդհանուր պարապմունք դպրոցներում. կրթահամալիրի տոնի պատրաստություն
09։30-ից՝ աշխատանք ըստ անհատական պլանի
12:30-13։00՝ ընդմիջում դպրոցներում
13։00-14։00՝ ուսումնական պարապմունքներ նախագծային խմբերով, անհատական, խմբային նախաձեռնություններով
14։00-14։30՝ ընդհանուր պարապմունք Մարմարյա սրահում
14։30-ից՝
 այլ աշխատանք ըստ անհատական պլանի

Արտագնա նախագծեր

Անհատական, խմբային նախաձեռնությունները

1․ Մարզական պարապմունք՝ դաստիարակների հետ

2. Մարզական խաղեր՝ 2-4 տարեկանների հետ

2․ Այցելություն Փարաքար, հարցազրույց՝  համայնքի նոր ղեկավարի հետ։ Թեման՝ Բիոլճակ, կոյուղու համակարգ

3․ Սովորողների խմբի հետ կրթահամալիրի տոնին ընդառաջ՝ Ագարակի մասին անգլերեն տեսանյութի ստեղծում։

4․ Խաղողի վազի համար թառմայի կառուցման, տարածքի բարելավման աշխատանքներ:

Լուսաբանումը՝ Էկոլուր TV-ի

՝

Ճամբարիս հինգերորդ օրը

Առավոտյան ճամբարականների օրը սկսվեց շրջակա միջավայրի խնամքով, ինչպես միշտ, այնուհետև՝ ներկա-բացակայով։ Հետո բաց ուսումնական տանիք տեղափոխեցինք մարզական ներքնակները, մարզվեցինք, գլուխկոնծիներ արեցինք և ճամբարից վերցնելով մեր նախաճաշը՝ շարժվեցինք դեպի Ագարակ։ Ագարակն ավելի գրավիչ էր դարձել իր լողավազանով, և քանի որ մեր ճամբարում այդ օրը լողավազանների դատարկման օրն էր, մենք լողը լրացրեցինք Ագարակում։ Ի դեպ լողավազանի ջուրը օգտագործվում է լանջերի ոռոգման նպատակով։ Ագարակում նախաճաշեցինք, այցելեցինք կենդանիներին, լողացինք, իսկ վերադարձին Մայր դպրոցում սեղանի թենիս և ֆուտբոլ խաղացինք։ Օրվա վերջում լվացինք մեծ լողավազանը, կարգի բերեցինք լողափը և ունկնդրեցինք դասական երաժշտություն։ Ինչպես միշտ ժամանակը թռչում է ճամբարում, օրը կարծես թե չի հերիքում, և ճամբարականները չեն հասցնում կարոտն առնել։ Տուն գնալ նրանք չեն ցանկանում, և եթե նրանց ետևից մայրիկներն են գալիս, ապա ստիպված են լինում մի կես ժամ էլ համոզել երեխաներին՝ տուն վերադառնալ։ 🙂

 

 

Ինչպե՞ս անվանել

Ինչպե՞ս անվանենք  անգլերենի-երաժշտական-պարերգերի-խաղերգերի-քանդակի-նկարչության-ընթերցանության-լողի-շախմատի-սպորտի-շրջակա միջավայրի մաքրության-թափոնների տեսակավորման-կոմպոստի-կինոդիտման․․․ այս դպրոց-ճամբարը, որպեսզի այսքա՜ն երկար չլինի։ Երևի ամենահարմարը «Փառատոնային ճամբար» անվանումն է, այնպես չէ՞։

 

 

Կավաթերապիան՝ ճամբարում

Երաժշտական-մարզական ճամբար

Ցանկապատամանիա՝ կանա՞չ, թե՞ կարմիր

Կավաթերապիան՝ ճամբարում

Հաճախ ենք ասում` առանց լողավազանի ճամբարը չէր կարող այսքան հաջողված լինել։ Ինձ համար կավեգործությունը՝ հատկապես Փառատոնային այս օրերին, համարժեք է լողալուն։ Կավի հետ ազատ խաղը թերապիա է, որտեղ ինտուիտիվ ստեղծվում են կերպարներ, որոնք կարող են լինել և՛ իրական որևէ առարկայի նմանակում, և՛ ստեղծագործական հորինված պատմություն։ Տրված թեմայով որևէ բան ծեփելուց առավել հետաքրքիր է ազատ, ստեղծագործական աշխատանքը, որի շուրջ երեխաների մեկնաբանություններն անհավանական պատմություններ են դառնում։ Ազատ աշխատանքին բոլորովին չի խանգարում քանդակի ուսուցչուհու՝ ընկեր Ալիսի միջամտությունը։ Հակառակը՝ մասնագիտական խորհուրդները ոգեշնչում են կավը իրենց ձեռքերում զգացող ճամբարականներին, որոնց արարչագործ ափերում հետզհետե մարմին են ստանում իրենց ներաշխարհից պոկված երազանքներն ու տագնապները։

 

 

Երաժշտական-մարզական ճամբար

«Փառատոնային ճամբար»-ում գերակշռում է Գեղարվեստը՝ իր Քանդակի դպրոցով, Artասահմանով և ընդհանրապես գեղագիտական միջավայրով։ Սակայն ճամբարի օրակարգում անմասն չեն մնում երաժշտությունն ու մարմնակրթությունը։ Ճամբարականներն առաջին օրվանից ծանոթացան թափոնների կառավարման նախագծին և պահոցում տեսակավորեցին թափոնները, իսկ օրվա վերջում մրգի ու բանջարեղենի մնացորդները թաղեցին հողի մեջ՝ որպես կոմպոստ։