Կորչե՛ն հանգամանքները, ես ստեղծում եմ հնարավորություններ․ Բրյուս Լի

Նոյեմբերի 17֊ին Երևանում տեղի ունեցավ Կյոկուշինկայ կարատեի՝ երեխաների, պատանիների և մեծահասակների միջազգային առաջնություն, որին մասնակցեցին «Մխիթար Սեբաստացի» կրթահամալիրի տարատարիք սովորողներ և պարգևատրվեցին մրցանակներով։ Առաջնությանը մասնակցում էին Հայաստանի, Ուկրաինայի, Ռուսաստանի, Վրաստանի և Իրանի հավաքականից մարզիկ-մարզուհիներ։

Բոլոր մասնակիցները արդեն իսկ հաղթողներ էինքանի որ մենամարտել նշանակում է չվախենալ։ Իսկ թե պատվանդանի ո՞ր աստիճանին կկանգնեն հանգամանքների բերումով, դա բոլորովին էական չէ։ Ինչպես ասել է արևելյան մարտարվեստի ամենահզոր վարպետներից Բրյուս Լին՝ «Կորչեն հանգամանքները, ես ստեղծում եմ հնարավորություններ»։ Ուստի յուրչաքանչյուր մրցաշար հնարավորություն է՝  հզորացնելու  անհատի ուժը, կամքն ու գործունեությունը։

Տեսահոլովակ

Տեսանյութ

Օրվա սեմինարի թեման անգլերենի ֆլեշմոբն էր

Աշնանային մանկավարժական ճամբարի երրորդ օրն է։ Օտար լեզվի դասավանդողները տիար Յուրայի ղեկավարմամբ քննարկեցին վերջին մեկ տարվա ընթացքում ֆլեշմոբի առաջադրանքները՝ բոլոր տարիքային խմբերի համար, դրանց առնչվող դժվարությունները, առաջադրանքներն ընտրվելու սկզբունքները, մատուցման եղանակը և սովորողների ամենատարբեր արձագանքները։ Տիար Յուրան քննադատորեն մոտեցավ այն առաջադրանքներին, որոնք կրել են կրկնվող բնույթ և շեշտակի կարևորեց հաղորդակցական  և ստեղծագործական բնույթի առաջադրանքները։ Ըստ տիար Յուրայի՝ ֆլեշմոբի առաջադրանքները պետք է ունենան բացատրական հավելված՝ հիմնավորված օրինակներով, որը հնարավորություն է ընձեռում մասնակցին սովորել, որից հետո հեշտությամբ կատարել առաջադրանքը։ Ֆլեշմոբի հաջորդ կարևոր առանձնահատկությունը խոսքային նմուշների ուսուցանումն է, որը էական նշանակություն ունի օտար լեզվի բառապաշարի հարստացման մեջ, ուստի առաջադրանքներ կազմելիս կարևոր է չանտեսել այս հանգամանքը։

Սեմինարը հետաքրքիր էր իր բազմաբնույթ քննարկմամբ՝ կապված ոչ միայն ֆլեշմոբի առաջադրանքների կազմության, այլև հնչյունաբանության կարևորության աստիճանի, սովորողների մեջ այլ աղբյուրներից օգտվելու և որոնողական հետաքրքրություն սերմանելու հետ։ Սեմինարը համեմված էր հումորով, հիշողություններով, այլոց փորձի օրինակներով։ Օտար լեզվի դասավանդողների սեմինարին կրկին առանձնահատուկ հմայք հաղորդեցին մեր բնագետները՝ իրենց ակտիվ ներգրավվածությամբ, չնայած նրան, որ սեմինարի հիմնական լեզուն անգլերենն էր՝ հայերեն թարգմանությամբ։

Օտար լեզու դասավանդողների դեկտեմբերի 25-ի աշխատանքային հավաքը

Այսօր Ավագ դպրոցի ընթերցասրահում տիար Յուրայի ղեկավարությամբ՝ տեղի ունեցավ օտար լեզու դասավանդողների աշխատանքային հավաքը: Քննարկման թեման հետևյալն էր՝ «Հանրակրթական Դիջիթեք 2019. թվային ուսուցման միջոցներով ուսուցման նախագծերի և մեթոդների ստուգատես»-ը:

Խոսեցինք այն մասին, թե նախորդ տարիներին կրթահամալիրում ինչպես է անցկացվել ամենամյա հանրակրթական դիջիթեքը, ինչ անվանակարգեր են ընդգրկվել այս տարվա  դիջիթեքում, դրանց տարբերությունները և այլն: Դասավանդողները ներկայացրին տարվա ընթացքում իրենց կատարած աշխատանքները, այնուհետև քննարկվեց, թե դրանցից որոնք կարող են ներկայացվել Դիջիթեք 2019-ին:

Պայմանավորվեցինք դեկտեմբերի 26-ին օտար լեզուների դասավանդողների՝ հունվարյան նախագծային-ճամբարային  ուսումնական նախագծերը ներկյացնելու վերաբերյալ:

 

Կենդանաբանական այգու նվեր պոնին արդեն Ագարակում է

Հ1-ի անդրադարձը

Պոնիներ կրթահամալիրներին

27 հլս, 2018

Հետաքրքիր նախաձեռնությամբ է հանդես եկել կենդանաբանական այգին. երկու կրթական հաստատության երեք պոնի են նվիրել: Ասում են՝ լավ հնարավորություն է բոլոր այն երեխաների համար, որոնք, ձիաբուժության կուրսերի միջոցով, առողջական խնդիրներ են հաղթահարում, բայց չեն կարողանում ժամանել այգի։

Աղբյուրը՝ Օրակարգ լրատվական․․․

 


Տեսանյութը՝ Հայկուհի Հովհաննիսյանի

 

 

 

 

Օտար լեզուների ուսումնական լաբորատորիայի հավաք-քննարկում

Այսօր՝ նոյեմբերի 22-ին, օտար լեզուների ուսումնական լաբորատորիայի հերթական հավաքն էր՝ տիար Յուրայի ղեկավարությամբ։ Հավաքն այս անգամ ևս անգլերեն լեզվով էր, որն անհրաժեշտության դեպքում թարգմանվում էր հայերեն։

Հավաքին քննարկվող հարցերն էին․

  1. Դասավանդողների ներգրավվածությունը ռուսերենի և անգլերենի ամենամսյա ֆլեշմոբների կազմակերպման մեջ՝ առաջադրանքների կազմում և ստուգում։
  2. mskh-ի օտար լեզուների համապատասխան էջերի սպասարկում, նյութերի հրապարակում։ Դիտեցինք կրթահամալիրի օտարալեզու կայքերում հրապարակված նյութերը։
  3. Դասավանդողների ավելի ակտիվ մասնակցություն «Քառալեզու Դպիր» նախագծի իրականացման գործում։ Քննարկեցինք, թե «Դպիր» էլեկտրոնային ամսագրի որ նյութերն են թարգմանելու համար առավել հարմար։ Դրանցից են հեղինակային մանկավարժական հոդվածները, որոնց թարգմանությունը կնպաստի կրթահամալիրի մասին տեղեկության տարածմանը և համագործակցային ուսուցմանը։
  4. Դեկտեմբեր ամսվա համար այլոց փորձի ուսումնասիրման թեմաների առաջարկություններ: Եղան առաջարկներ՝ կրթական միջավայրի, կրթական պարտեզների, դպրոցի բակում այգիների խնամքի վերաբերյալ ուսումնասիրություններ կատարելու վերաբերյալ։

Օտար լեզուների մասնախմբի սեմինարը՝ հունիսի 19-ի մանկավարժական ճամբարում

Հունիսի 19-ը մանկավարժական ամառային ճամբարի առաջին օրն էր։ Ընդհանուր պարապմունքից հետո, ըստ նախապես կազմված դասացուցակի, դասավանդողներն անցկացրին իրենց սեմինար-պարապմունքները։ Օտար լեզուների մասնաժողովն առաջին սեմինարի ժամանակ քննարկեց բլոգային ուսուցումը։ Դասավանդողները բաժանվեցին խմբերի և քննարկման արդյունքները ներկայացրին՝ լրացնելով հարցաթերթիկ, որտեղ նշեցին բլոգային ուսուցման ձեռքբերումները, մշակման, կազմակերպման, տարածման կարևորությունները, ծրագրից բխող խնդիրներն ու իրենց առաջարկությունները։

Օտար լեզվի մասնախմբով երկրորդ հանդիպումը կայացավ ընդմիջումից հետո։ Լուսինե Բուշը վարեց սեմինար՝ ներկայացնելով eTwinning-ը, որը միջազգային կրթական հարթակ է՝ տարբեր մասնագետ ուսուցիչների և սովորողների համար, որին ներգրավված եվրոպական երկրները ծրագրի շրջանակում շփվում, համագործակցում և համատեղ նախագծեր են իրականացնում։ Սեմինարի ընթացքում մասնակիցները մանրամասն ծանոթացան ծրագրին, Լուսինե Բուշի՝ eTwinning-ի շրջանակում ունեցած համագործակցական փորձին և ծրագրից օգտվելու հնարավորություններին։

Սեմինարն անցավ ընդարձակ, լուսավոր դասասենյակում, որի պատուհանից այն կողմ նույնքան գեղեցիկ ու տրամադրող էր, որքան ներսում։ Պատուհանից դուրս նոր աշխարհ էր բացվում։ Ագարակ՝ վեհաշուք ձին դաշտում, մի խումբ աշխատանքային ջոկատ, ով զբաղված էր պարտիզապուրակային ու բարեկարգման աշխատանքներով:

։